செய்திகள்

13 வயது சிறுமி சொந்த மாமாவால் கொடூரமாக குத்தி கொலை..!

மனைவி, கொலை

சென்னை ஆதம்பாக்கத்தில் உறவினருடன் வசித்து வந்த சிறுமி கொலை செய்யப்பட்டுள்ளதை அடுத்து, தப்பியோடிய சிறுமியின் மாமாவை போலீசார் தேடி வருகின்றனர்.

கடந்த சில வருடங்களுக்கு முன்பு மைலாப்பூரில் வசித்து வந்த பூபதி – உஷா தம்பதியினருடைய இரண்டாவது பெண் சோபனா (13). ஆதம்பாக்கத்துக்கு வசிப்பிடத்தை மாற்றிய இவர்கள், சோபனாவுக்கு 2 வயது இருக்கும் பொழுது விபத்தின் காரணமாக இறந்துள்ளனர்.

தாய், தந்தையை இழந்த இரண்டு பெண் பிள்ளைகளையும், பூபதியின் அக்காவான வேதவல்லி வளர்த்து வந்துள்ளார்.

அத்தையின் பாதுகாப்பில் இருந்து வரும் சிறுமி சோபனாவுக்கு வலிப்பு பிரச்னையும் இருந்துள்ளது. இதனால் பள்ளிக்கு கூட போகாமல், வீட்டிலயும், அக்கம் பக்கத்தினருடனும் நேரத்தை கழித்து வந்தார்.

இந்த நிலையில் வேதவல்லியுடைய மகன் பாபு, அடிக்கடி தனது தாயிடம் பணம் கேட்டு சண்டையிட்டு வந்ததாக கூறப்படுகிறது. கடந்த செவ்வாய் கிழமை அன்று பக்கத்துக்கு வீட்டில் விளையாடிக்கொண்டிருந்த சிறுமி சோபனா, உணவு அருந்துவதர்காக வேதவல்லி வீட்டிற்கு வந்துள்ளார்.

அதன்பின்பு வேதவல்லி வெளியில் வராததால், சந்தேகித்த அக்கம் பக்கத்தினர் வீட்டின் கதவை திறந்து உள்ளே சென்று பார்த்துள்ளனர். அப்போது சோபனா, குளியலறைக்குள் சரமாரியாக கத்தி குத்துப்பட்டு மயங்கிய நிலையில் கிடந்துள்ளார்.

இதனை கண்டு அதிர்ச்சியான அவர்கள், அருகிலிருந்த மருத்துவமனைக்கு கொண்டு சென்றுள்ளனர். ஆனால், சிறுமி இறந்துவிட்டதாக மருத்துவர்கள் கூறினர். அதன்பின்பு சிறுமியின் உடல் பிரேத பரிசோதனைக்காக குரோம்பேட்டை அரசு மருத்துவமனைக்கு அனுப்பி வைக்கப்பட்டது.

சம்பவத்தை குறித்து வழக்கு பதிவு செய்த ஆதம்பாக்கம் காவல்துறையினர் விசாரணை செய்து வருகின்றனர். சிறுமி கொலை செய்யப்பட்ட பிறகு, பாபு தலை மறைவானதால் அவரை தேடும் பணி தீவிரமாக நடந்து வருகிறது.

தாய் தந்தையை இழந்து, உடல்நல குறைவோடு அத்தையின் ஆதரவில் இருந்து வந்த சிறுமியின் கொலை சம்பவம் அப்பகுதியில் பெரும் சோகத்தை ஏற்படுத்தியுள்ளது.

Click to comment

Leave a Reply

Your email address will not be published. Required fields are marked *

Most Popular


colombotamil
To Top