செய்திகள்

ஒத்தைக்கு ஒத்தை, காவல்துறை அதிகாரியை மார்கெட் வரசொன்ன ஹோட்டல் ரவுடி!

ஒத்தைக்கு ஒத்தை

சென்னை புதுப்பேட்டைப் பகுதியில், ஆயுதப்படை காவலர் சரவணன் என்பவர், அப்பகுதியிலிருந்த ஹோட்டல் ஒன்றுக்கு நேற்று இரவு உணவு வாங்கச் சென்றுள்ளார்.

அப்போது, அந்த கடையில் பணிபுரிந்தவர்கள், தடை செய்யப்பட்ட பிளாஸ்டிக் கவர்களில் மடித்தும், மற்றொரு பிளாஸ்டிக் பையில் பார்சல் செய்யப்பட்ட தோசையை உள்ளே வைத்தும் சரவணனிடம் கொடுத்துள்ளனர்.

இதைப் பார்த்து அதிர்ந்துபோன ஆயுதப்படை காவலர் சரவணன், தடை செய்யப்பட்ட பிளாஸ்டிக் பைகளைக் கொண்டு உணவுகளை ஏன் வழங்குகிறீர்கள் எனக் கேள்வி எழுப்பி உள்ளார்.

காவலரின் கேள்விக்கு அந்த ஹோட்டல் உரிமையாளர் முறையான பதிலேதும் அளிக்கவில்லை. இதனால், காவலர் சரவணன் தனது மொபையில் கேமராவில் அந்த நிகழ்வைப் படமாகப் பதிவு செய்கிறார்.

அந்த வீடியோ பதிவில், ஹோட்டல் உரிமையாளர் காவலரை ஒருமையில் பேசுவது பதிவாகி உள்ளது. மேலும் காவலரை நோக்கி அந்த ஹோட்டல் உரிமையாளர், “நீ கார்ப்ரேஷன் அதிகாரியா, நீ ஏன் கேட்கிற..?” என்கிறார். அதற்கு “நான் சாதாரணமாக மக்களில் ஒருவனாக, இந்த கேள்வியைக் கேட்கிறேன்” எனக் காவலர் பதிலளிக்கிறார்.

இதற்கு, ஹோட்டல்காரர், “அப்ப நாளைக்கு நைட் 10 மணிக்கு மார்கெட் வா பதில் சொல்றேன், கண்டிப்பா நீ வர, உன் நம்பர் சொல்லு” எனக் கூறி, சரவணனின் தொடர்பு எண்ணை பெற்றுக் கொண்டுள்ளார்.

இந்த வீடியோவை வாட்ஸ் ஆப்பில் ஷேர் செய்த சரவணன், இது தொடர்பாக காவல்துறை உயர் அதிகாரிகளுக்குத் தெரியப்படுத்தி உள்ளதாகத் தகவல்கள் தெரிவிக்கின்றன.

Click to comment

Leave a Reply

Your email address will not be published. Required fields are marked *

Most Popular


colombotamil
To Top