செய்திகள்

சிங்கிள்ஸ்களை மிங்கிளாக்கும் “காதல் ரயில்”; குஷியில் 90ஸ் கிட்ஸ்…!

காதல் ரயில்

சீனாவில் திருமணமாகாத இளைஞர்கள் தங்கள் துணையை தேடிக்கொள்ள காதல் ரயில் என்ற திட்டத்தை அறிமுகப்படுத்தியுள்ளது அந்நாட்டு அரசு. இதனால் அந்நாட்டில் உள்ள இளைஞர்கள் குஷியாகியுள்ளனர்.

சீனாவில் உள்ள 200 மில்லியன் இளைஞர்கள் பலர் துணையின்றி தவித்து வருவதாக ஒரு ஆய்வறிக்கை மூலம் அந்நாட்டு அரசுக்குத் தெரியவந்துள்ளது. அதனால் சீன அரசும், அந்நாட்டில் உள்ள கம்யூனிச இளைஞர் கழகமும் சேர்ந்து “காதல் ரயில்” திட்டத்தைத் துவக்கி வைத்துள்ளனர்.

அதாவது சீனாவில் உள்ள 1000 இளைஞர்களும், 1000 பெண்களும் இந்த ரயில் பயணிக்க அனுமதிக்கப்படுவர். சீனாவில் உள்ள மேற்கு சாங்கிங் பகுதியிலிருந்து கிளம்பும் இந்த ரயில் இரவு முழுவதும் பயணம் செய்து ஆமூர் வரை செல்கிறது.

இந்த பயணத்தில் ஆண்களும் பெண்களும் ரயிலில் இருக்க வேண்டும். அந்த நேரத்தில் ஒருவருடன் ஒருவர் அறிமுகமாகி அவர்களுக்குள் செட்டாகிவிட்டால் அவர்கள் காதலர்களாகிக் கொள்ளும் வாய்ப்பை வழங்குகிறது. சீன அரசு.

ஆண்டிற்கு 3 முறை மட்டுமே இந்த ரயில் இயக்கப்படும் இந்த ரயிலுக்கு Y999 ‘Love-Pursuit Train’ எனப் பெயர் சூட்டப்பட்டுள்ளது. இதன் அர்த்தம் காதல் கொள்ளும் ரயில் என்பதாகும்.

கடந்தாண்டு நடந்த 3 ரயில் பயணங்களில் பயணித்த 3ஆயிரம் ஜோடிகளில் 10 ஜோடிகள் திருமணம் செய்து கொண்டு மகிழ்ச்சியாக வாழ்ந்து வருவதாகத் தெரிவிக்கப்பட்டுள்ளது.

மேலும் இந்த ரயில் பயணத்தின் போது விளையாட்டுப் போட்டிகள் நடத்தப்படும் அதன் மூலம் ஜோடிகளிடையே இருக்கும் கூச்ச சுபாவத்தைப் போக்கி ஒருவரை ஒருவர் அறிமுகமாக்கிக் கொள்ளும் வாய்ப்பும் வழங்குகிறது அந்நாட்டு அரசு.

சீனாவில் மக்கள் தொகை அதிகமாக இருப்பதற்கு ஏற்ப திருமணமாகாதவர்களின் எண்ணிக்கையும் அதிகமாகியுள்ளதாம். அதனால் இப்படி ஒரு சேவை ஆரம்பிக்கப்பட்டுள்ளது.

சீனாவில் மட்டுமா சிங்கிஸ் அதிகமாக இருக்கிறார்கள்? என நீங்கள் மனதுக்குள்ளேயே சொல்வது எங்களுக்குக் கேட்கிறது.

Click to comment

Leave a Reply

Your email address will not be published. Required fields are marked *

Most Popular


colombotamil
To Top